Košarkaši Olimpije Milano nemaju najbolju sezonu, nisu prošli u Еvroligi, nisu osvojili Kup, a u prvenstvu se nalaze na petom mjestu. Manekeni su u okviru 26. kola igrali protiv Pistoije i slavili su sa 95:80, ali je ovaj meč obilježila pomalo čudna situacija.
Naime, trener Milana legendarni Еtore Mesina je na poluvremenu napustio meč i jednostavno je otišao kući.
To je objasnio njegov pomoćnik Mario Fioreti.
- Еttore je imao jaku migrenu, nije se osjećao dobro još prije početka utakmice, pokušao je, ali je na poluvremenu morao da ode kući - poručio je Fioreti.
Nesvakidašnja situacija, bar kada je riječ o ovako visokom nivou.
(Telegraf)
