Vožnja automobila kada je napolju minus, naročito ako ima leda na kolovozu, može biti opasna. Kako da se ponašamo u tim situacijama?
"Dvije najvažnije funkcije na automobilu su mogućnost upravljanja i mogućnost zaustavljanja. Obje funkcije su ugrožene kada se dogodi da je kolovoz vlažan ili zaleđen", rekao je za "Prvu TV" prof. dr Milan Vujanić, stručnjak za saobraćaj.
Nastavio je:
"Tad je smanjena mogućnost kvalitetnog upravljanja i zaustavljanja. Bitno je da vozači ne preduzimaju nagle ili intenzivne radnje, jer će automobil napustiti putanju i neće se ponašati na željeni način", dodao je Vujanić.
Istakao je da u tim situacijama treba voziti umjereno, polako i nešto manjom brzinom nego što bi inače bio slučaj na toj dionici.
"Ukoliko automobil počne da proklizava, trebalo bi da se pokuša sa ispravljanjem upravljanjem pravca automobila u pravcu u kojem kliže. Kada se može njime upravljati, tek onda bi trebalo to korigovati", navodi Vujanić.
Nikako ne mogu pomoći naglo dodavanje gasa ili kočenje, ističe on.
"Kod kočenja prilikom proklizavanja bi trebalo pustiti kočnicu i polako 'pumpati', tj. povremeno stiskati i popuštati kočnicu. Kod upravljanja, okrenuti volan u onom smjeru u kojem automobil kliže, da bi izgubio funkciju klizanja i prešao na upravljanje", zaključio je Vujanić, prenosi "b92".
